Oyrarbakki-Saksun
Á súkklu gjøgnum Saksunardal
Lýsing av túrinum
Túrurin byrjar við Magn á Oyrarbakka. Tit súkkla eftir landsvegnum til Streymnesar, og haðani eftir hugnaliga vegnum norður gjøgnum Saksunardal.
Saksun er gomul bygd, og í dag er hon tiltikin fyri sín vakurleika. Søguligi bóndagarðurin Dúvugarðar er enn virkin. Gomlu sethúsini eru vorðin søvn og geva okkum innlit í bóndalívið í Saksun í gomlum døgum.
Hægsta fjallið í Streymoy, Kopsenni (789 m), er vestan fyri bygdina.
Tá ið sjógvurin tekur at fløða, kunnu smábátar sigla inn í lítlu víkina í Saksun.
Ikki føroyingum at siga ferðast fólk í hópatali til Saksunar á sumri. Men tað eru ikki bert fyri at taka myndir. Mangir sílafiskarar eru eisini at síggja kring um Saksunarvatn.
Íblástur / aðrar leiðir
Tit kunnu eisini súkkla til hvalastøðina við Áir. Norðmenn bygdu hvalastøðina í 1905, og var virksemi her líka til 1984. Bygningar og útgerð eru enn í heilum líki, og í dag er hvalastøðin vorðin savn.
Hæddarlýsing
Av Oyrarbakka til Saksunar er lítið og einki hall.
Er túrurin barnavinarligur?
Hóskar seg til børn, um vaksin eru við.
Hvussu er at súkkla?
Góður, asfalteraður vegur allan túrin.
Góð ráð
Tað er ikki býtt at hava okkurt gott við – eina fløsku við vatni og kanska okkurt søtt.
