Økis-guide
SANDOY, SKÚVOY OG STÓRA DÍMUN
Link Copied!
Hóast tað nú er koyrandi úr Streymoynni til Sandoyar, er tað enn eyðsýnt, at bæði havið og øldirnar skilja oyggjarnar sundur.
Sandurin á Sandi í Sandoy (hví komplisera tingini?) man vera ein tann vakrasta sandstrondin í Føroyum. Sandurin er hvítur, og her eru mølheyggjar, sum – fyri øll onnur enn heimasandsfólk – leiðir tankarnar til heitu strendurnar í Danmark.
Tá ið tit koma úr tunnilsmunnanum síggja tit seyð og neyt á beiti, har eru traktorar á bønum og útróðrarbátar á firðinum. Sandoyingar hava livað í frið og náðum líka til nú, men ivaleyst fer tunnilin at hava sína ávirkan á tey fimtanhundrað fólkini, sum búgva í oynni.
Teir heilt garvaðu fjallaklintrararnir leggja ikki nógv í Sandoynna. Fjøllini eru einki hættislig, men mjá og mjúk – “sum ein kvinnukroppur”, kundi okkurt skald funnið uppá at yrkt. Hetta merkir samstundis, at Sandoyggin hóskar seg serstakliga væl til tey óroyndu fjallafólkini og til barnafamiljur. At kalla allastaðni er gott at ganga. Vestursíðan er tó steyrrøtt, øll sum hon er.
Og um fjallaklintrarar tiga, tá ið tú sigur Sandoy, so fær pípan annað ljóð, tá ið mann tosar við sílaveiðufólk. Sandsvatn og Gróthúsvatn eru favorittar hjá mongum teirra.
Tjaldingarøkið heima á Sandi
i
Listasavnið heima á Sandi
i
Caféin á Mølini í Skálavík
i
Heiman av Sandi
i
Kamping í Dali
Dalur hevur gott kamping og tjaldingarpláss
Sandoy
Kioskin á bakarínum
Kioskin á Bakarínum heldur til í hølunum hjá Anfinn Bakarinum á Heimasandsvegi 33 á Sandi
Sandoy
Caféin á Mølini
Hugnaliga cafe'in við havnalagið í Skálavík
Sandoy
Mølheyggjarnir
Einastu mølheyggjar í landinum
Sandoy
Sandoy Kayakk
Leiga eina kayak og uppliv Sandoynna av Sandsvatnið
Sandoy
Bindisteinurin
Bílegg ævintýrferð og fá alla søguna við
Sandoy
Veltan
Veltan er eitt felag hjá fólki við áhuga fyri grønmeti og velting.
Sandoy
Húsavíkar kirkja
Vígd í 1863
Sandoy
Skúvoy
Farið við ferjuni av Sandi til Skúvoyar. Henda oyggj er serliga tiltalandi hjá teimum, sum trívast best í sínum egna selskapi, tí er tað eitt orð, sum lýsir Skúvoynna, so er tað friðsæla.
Her er annars nógv at síggja hjá fuglakennarum. Skúvoy eitur sjálvandi eftir skúgvinum, stóra ránsfuglinum. Norðari endin á oynni, Høvdin, er sum ein annar Mykineshólmur, tí her er lundi í túsundatali. Tað kann verða trupult at ganga út á Høvdan, men tað er eisini líka gott at seta seg í brekkuna í Fagradali og skoða Høvdan. Tað er sum við Eiffeltorninum – tað er penari at síggja tað burturífrá enn at standa undir tí. Á sumri er grasið á Høvdanum so grønt, at tit trúgva tí ikki.
Kendasta søgan úr Skúvoy er søgan um Sigmund Brestisson, sum kristnaði Føroyar. Tróndur í Gøtu leyp á Sigmund á nátt í Skúvoy í árinum 1005, og Sigmundur gjørdi ikki mætari, enn at hann tók til rýmingar og svam úr Skúvoy til Suðuroyar. Komin á land í Sandvík, varð hann tó feldur og dripin. Gravsteinur hansara er enn at síggja í Skúvoy.
Eingin matstova er í Skúvoy, so tit mugu smyrja matpakkar. Annars fortaldi onkur, at heimablídni í Skúvoy skuldi verið so øgiliga gott.
