Skelkurin er sum ein kaldur frammaná. Vøddar krympa seg saman, og hvør nerv sendir signal til heilan: kempa ella doyggj!
Her kanst tú savna íblástur, greinar, tiltøk og støð, sum tú hevur áhuga fyri.
Trýst á ikonið á síðurnar, so koma tær fram her.
Array
Array
Array
Link Copied!
Fyrsta lopið er ikki ein vøkur sjón. Skelkurin er sum ein kaldur frammaná. Vøddar krympa seg saman, og hvør nerv sendir signal til heilan: kempa ella doyggj!
Tivandi og bivandi krúpa tey upp á kaikantin. Sveipa seg inn í handklæði, seta seg við einum krútsterkum kaffimunni, og prátið gongur.
Skelkurin er longu gloymdur. Men kroppurin heldur seg enn hava vunnið á sjálvum deyðanum. Nú ber alt til. Nú kann dagurin koma. En garde!
Dypping er vorðið væl umtókt um alt landið. Dyppiumstøður eru tillagaðar til stóra eftirspurningin, og ikki er óvanligt at síggja skiftirúm millum bátaneyst og egningarskúrar. At dyppa er sanniliga meira enn ein dilla. Fyri mong eru hesar “nærdeyðaupplivingar” fastur partur av gerandisdegnum – og hevur verið tað í áratíggju.
At dyppa noyðist ikki at vera fast morgunritual. Mann kann eisini dyppa av og á – t.d. ein frískligan leygarmorgun, kanska ein túr í sauna eisini? Og síðan út at eta bronsj aftaná? So hevur mann ið hvussu so er eitt sindur at reypa um, tá ið starvsfelagin spyr mánamorgunin, hvat var á skránni í vikuskiftinum.
Líknandi Tilfar
Líknandi Tilfar
Nú liggur til høgrabeinið at siga: mann skal bara leypa út í tað. Men har er meira í tí enn so. Tað verður rátt til stigvísa tilvenjing. Best er at byrja á sumri og síðan halda fram út ímóti heysti og vetri.
Vilja tit vita meira um at baða í sjónum, kunnu tit vitja heimasíðuna hjá Rådet for Større Badesikkerhed.
