Tú hevur ongar yndis enn

Her kanst tú savna íblástur, greinar, tiltøk og støð, sum tú hevur áhuga fyri.

Trýst á ikonið á síðurnar, so koma tær fram her.

Íblástur & Greinir

Tiltøk & Túrar

Støð

Bygdagøtur

Leita Leitingarúrslit

INSPIRATIÓNIR & ARTIKLAR

TILTØK & GONGUTÚRAR

Støð

Array
Array
Array

KAMPING

Hvar er best at liggja nátt, tá ið mann ferðast í egnum landi? Tað veldst um, hvønn mann spyr. Spyr mann tó fólk í grannalagnum, sum hava ein kampingvogn standandi í túninum, so veit mann svarið frammanundan.

At “kampa” er ein tráan eftir tí einfalda. Veri tað seg við tjaldi ella kampingvogni, so stendur kampinglívið ofta í andsøgn við lívið, sum flestu okkara kenna tað. Tað er baksut, og tað er trongt. Men onkursvegna eru vit meira lagalig, tá ið vit vakna til ein nýggjan dag mitt úti í tí beru náttúruni, "har vindar venda", sum skaldið sang. Kaffi, sum verður drukkið úr einum plastikkkoppi úti í náttúruni smakkar minst líka gott – um ikki betur – enn kaffið úr sunnudagsstellinum í fínustovu heima við hús.

Vælkomin út á villar víddir,
her skal eingin spara seg.
– Kári P (Villar víddir, 1991)

Í takt við at alsamt fleiri kamparar úti úr heimi leita sær til Føroya, eru kampingøkini her á landi eisini vorðin fleiri. Sjálvt í Mykinesi, Kalsoy og Fugloy eru kampingøki.

Havið í huga, at tit kunnu ikki kampa hvar sum helst. Summi øki eru bert ætlað til tjøld, onnur bert til kampingvogn.

MINNIST TIL

Tað er ólógligt at seta tjald upp ella parkera kampingvognin aðrastaðni enn á ásettum økjum og verður revsað við bót.
Órógvið ikki seyð og fugl. Tit eru hóast alt gestir á teirra búøki.
Kannið veðurforsøgnina.
Summir bygdavegir eru smalir, og summastaðni er ikki loyvt at koyra við kampingvogni.
Hetta átti ikki at verið neyðugt at sagt, men – ruddið upp eftir tykkum!

Summastaðni eru vegirnir smalir, og tit kunnu ikki koyra við kampingvogni – eitt nú til Tjørnuvíkar og Múla. Bussleiðin til Tjørnuvíkar sæst her.

Les Eisini: Sílaveiða

HEFTI UM KAMPING

Í hesum heftinum fáa tit yvirlit yvir mongu kampingøkini í Føroyum umframt upplýsingar um samband. Teksturin er á enskum og týskum.

Vitjið annars camping.fo fyri at fáa eitt fullfíggjað yvirlit yvir økini og síggið prísir og tænastur, sum ymisku økini hava at bjóða. Sum áður nevnt: Gevið gætur, at summi øki bert eru ætlað til tjøld.