• slider category icon

KIRKJUR Í FØROYUM

Mann kann illa ímynda sær eina føroyska bygd uttan eina kirkju. Sjálvt fjarskotnastu bygdirnar so sum Saksun hava kirkju. Ja, vit hava enntá eina bygd, sum eitur Kirkja. 

Øll kenna "sína egnu" kirkju, men hvussu væl kenna vit allar hinar 60 kirkjurnar? Tá ið vit ferðast til søguligar stórbýir í Europa, er eitt rend í kirkjuna ofta á listanum, so hví ikki gera tað sama, tá ið vit ferðast í egnum landi?

Fara tit til Kirkjubøar, so vitjið Ólavskirkjuna. Oman fyri eyðkendu altartalvuna hongur rørandi listarverkið eftir S. J. Mikines. Um nær kirkjan varð bygd, søgdu tey gomlu kirkjubøfólkini, at árstalið eru fýra eitttøl. Passar tað, er elsti partur av kirkjuni frá 1111. Tá er hon ikki bara elsta kirkja í Føroyum – hon er so nógv tann elsta. Næstelsta kirkjan her á landi er Havnar kirkja, sum varð vígd 3. sunnudag í advent í 1788.

SIG SO TAÐ  

Líka frá gamlari tíð hevur kirkjan verið savnandi. Hon hevur enntá ávirkað, hvussu vit tosa: Tá ið strandingar fara til gongu heim til Sjóvar (har ið kirkjan er), siga tey, at tey fara 'heimeftir'. Koma tey til kirkjuna og halda leiðina fram, nú eitur tað knappliga 'inneftir' (t.e. inn eftir fjørðinum). Sama øvutan veg: Tey, sum búgva beint norðan fyri kirkjuna, siga "heimeftir", men tvey hús seinni, nú ganga tey 'úteftir'. Mangt er. 

Kirkjan hon er eitt gamalt hús,
stendur, um tornini falla;
torn sukku eftir torn í grús,
klokkur enn kima og kalla

– Jákup Dahl próstur (1925)
 

VISTU TIT?

  • Jógvan Fríðriksson bispur er Føroya fyrsti bispur.
  • Allar kirkjurnar venda í ein vestan – uttan tann í Haldórsvík (hon er rund, ella t.v.s. átthyrnd). 
  • Í Sandavágs kirkju er ein rúnusteinur, sum varð ristur í 1200-talinum. Á honum stendur: Torkil Onundarson, eysturmaður av Rogalandi, bygdi henda stað fyrst.
  • Í gomlum døgum, tá ið jarðarferð var úr Havnar kirkju, hevði klokkarin tvær kirkjuklokkur at velja í. Doyði ein ríkmaður, ringdi tann stóra klokkan; var tað okkurt vesalavætti, ringdi tann lítla klokkan.
  • Har er bert ein katólsk kirkja í Føroyum – Mariukirkjan í Havn. Vitjið kirkjuna í kvøldarsólini, tí tá verður glæsiliga listaverkið eftir Trónd Patursson lýst upp og fyllir rúmið.

KIRKJUR Í FØROYUM

Havnar kirkja (Dómkirkjan)

Havnar kirkja – Dómkirkjan – er næstelsta varðveitta kirkja í Føroyum.

Tórshavn

Christianskirkjan

Vegna umvælingar, er kirkjan bert opin tá Guðstænasta er.

Norðoyggjar

Fríðrikskirkjan

Eysturoy

Funnings Kirkja

Kirkja frá 1847

Eysturoy

Vesturkirkjan

Vesturkirkjan, ið varð vígd í 1975, er vorðin ein býarmynd í Havn. Í skapi líkist hon einum seglskipi, og við tí 41 metur høga torninum verður hon søgd at vera hægsti bygningur í Føro

Tórshavn

Vágs kirkja

Tað sum eyðkennur Vágs Kirkju er ný gotiski stílurin

Suðuroy

Kirkjan í Fámjin

Kirkjan í Fámjin í dag er bygd í 1875 og tikin í nýtslu í februar 1876

Suðuroy

Sandavágs Kirkja

Ein av vakrastu kirkjum í landinum

Vágar

Kirkjan í Kirkjubø

Elsta kirkjan í Føroyum

Streymoy

Mariukirkjan

Stutt frá miðbýnum og tætt við viðarlundina í Havn stendur katólska kirkjan, Mariukirkjan. Hon varð vígd í 1987. Kirkjan frammanundan var bygd upp í Sankta Frans skúlan nakað longri nið

Tórshavn

Gamla Gøtu Kirkja

Trækirkja frá 1833

Eysturoy

Related articles to Kirkjur í Føroyum

Upplivingar í landbúnaðinum

Brúka hugflogið

Heilsubót

Søvn savna okkum saman
Arrow pointing to the right, to the next link in the breadcrumb
Ferðist í egnum landi
Arrow pointing to the right, to the next link in the breadcrumb
Upplivingar
Arrow pointing to the right, to the next link in the breadcrumb
Sálarró
Kirkjur í Føroyum