Tú hevur ongar yndis enn

Her kanst tú savna íblástur, greinar, tiltøk og støð, sum tú hevur áhuga fyri.

Trýst á ikonið á síðurnar, so koma tær fram her.

Íblástur & Greinir

Tiltøk & Túrar

Støð

Bygdagøtur

Leita Leitingarúrslit

INSPIRATIÓNIR & ARTIKLAR

TILTØK & GONGUTÚRAR

Støð

Array
Array
Array
Array
Array
Array
Array

SØVN SAVNA OKKUM SAMAN

Øll søvn hava trý ting í felag. Tey varðveita okkara fortíð, tey læra okkum at skilja okkara samtíð, og tey geva okkum íblástur til at skapa okkara framtíð.

Leikluturin, sum søvn hava í dagsins samfelagi, er vorðin týdningarmiklari enn nakrantíð áður. Tey menniskju, vit eru í dag – mátin, vit hugsa og tosa og koma saman – minnir í stóran mun um tey menniskju, vit vóru fyri 100 árum síðan. Men nú førir tøknin og alheimsgerðin við sær, at víðfevndar, sosiologiskar broytingar fara fram beint fyri eygu okkara. Føroyar verða ikki somu Føroyar um 25 ár, og tað fara vit at síggja, tá ið vit vitja søvn í framtíðini.

LISTASØVN

Listasøvn eru um alt landið – úr suðri í norð. Størsta savnið er sjálvandi Listasavn Føroya í viðarlundini í Havn. Skálin varð bygdur í 1970, og síðan tá hava føroysk listafólk sýnt síni verk fram her. Øll frá S.J. Mikines til samtíðarlistafólk.

Hava tit børn, so skipið fyri eini savnsvitjan saman við teimum – tey elska tað! Nógv søvn hava eisini hugnakrókar, har ið tit kunnu fáa tykkum ein kaffimunn og seta tykkum at klippa og tekna við børnunum.

Onnur forvitnislig søvn eru Listasavnið á Sandi, Ruth Smith-savnið í Vági og Steinprent á Skálatrøð í Havn.

Síggið fleiri søvn niðanfyri:

SIG SO TAÐ

Tá ið vit gerast forelskað, gevur heilin frá sær dopamin og oxytocin. Hetta hendir eisini, tá vit fordjúpa okkum í list.

STEINPRENT

Litografiskur verkstaður og gallarí á Skálatrøð ið arbeiðir við yrkislistafólk

Tórshavn

Gallarí Glæman

Eysturoy

WILLIAMSSTOVA

eitt rúm til listafólk at sýna fram mitt í hjartanum í býnum

Streymoy

Glarsmiðjan

Listahandil

Tórshavn

Gallarí Havnará

Framsýningarhøli

Tórshavn

Myndlist

List, plakatir og lista útgerðir

Tórshavn

Listasavn Føroya

har tað besta av føroyskari list verður sýnt fram

Tórshavn

Ribarhús í Fuglafirði

Í Ribarhúsi er gallarí, lítil kaffistova, og hugnaligur heimavirkishandil

Eysturoy

Listasavnið á Sandi

Eitt frálíkt savn av oljumálningum, bronzum, vatnlitamyndum, prenti og tekningum

Sandoy

Ruth Smith Savnið

Nógv verk, ofta naturalistisk realistisk, málaði hon á Nesi í Vági

Suðuroy

Gallarí á Stongunum

Gallarí í Klaksvík

Norðoyggjar

SØGUSØVN

Tað var ein, sum segði, at eitt fólk, sum ikki kennir sína fortíð, kennir ikki seg sjálvt.

Í Føroyum kenna vit øll hvønnannan, og søgusøvnini eru nógv (og her meinast altso ikki ‘søvn við stuttsøgum’, men ‘bygningur við søguligum lutum’).

Munurin á listasøvnum og søgusøvnum er, at í listasøvnum snúgva framsýningarnar seg um – ja, list. Framsýningar í søgusøvnum kunnu snúgva seg um hvat sum helst.

Í Nólsoy er Ovasavnið, sum heiðrar Ova Joensen – kappan, sum róði einsamallur úr Føroyum til Keypmannahavnar. Í Vágunum er Krígssavnið við lutum frá øðrum veraldarbardaga. Við Áir er Hvalasavnið. Á Argjum er Sjósavnið. Umframt hesi eru ein rúgva av bygdasøvnum kring landið.

Og so sjálvandi eisini Tjóðsavnið. Á, hvat ið ikki er at síggja í Tjóðsavninum. Útdeyði gorfuglurin? Útdeyði hvítravnurin? Útdeyði dímunarseyður? Ja, ja og ja. Umframt djór (sum eisini fevnir um beinagrindir av stórhvalum) eru søguligir bátar og fornfrøðiligir lutir frá víkingatíðini. Og nú mundu vit púrasta gloymt tað besta av øllum – kirkjubøstólarnar frá 1400-talinum!

Vitjið søvnini niðanfyri og gloymið tíð og stað. Ella rættari – minnist tíð og stað.