Seinnu árini eru mat- og kaffistovur sprotnar um alt landið sum páskaliljur í apríl. Hetta er ein pollinering av føroyskum mentanarlívi, sum ger, at brádliga hava svangir og kaffitystir føroyingar hópin av mat- og kaffistovum at velja í. 

Við hús og til arbeiðis – her eru vit tað mesta av tíðini. Men tað finst eitt samfelagsfrøðiligt hugtak, sum eitur "triðja staðið". Hetta sipar til støð, sum hvørki eru arbeiðspláss ella heim. Ein viðarlund, eitt bókasavn, ein kaffistova. Hesi opnu plássini, har ið vit savnast við einum fyri eyga – at koma sama.

Úr opnum vindeygum streymar kaffiroykur

Gjøgnum býin spákandi 

fer ein festligur hundur

– Jóanes Nielsen (Leygarmorgun í Havn, 1978)

SESSIST

Úrvalið av føroyskum mat- og kaffistovum er líka so fjølbroytt sum veðrið uttanfyri. Veljið ímillum alt frá tí góða gamla (drekkamunn og vafflu við pískaðum róma afturvið) … til tað skjóta (steinovnspitsa og saftigar burgarar) … til tað øðrvísi (poké-skál við tofu) … til tað serliga (familjubronsj í øllum ælabogalitum)

Lívið er best, tá ið vit eru saman við teimum bestu. Ofta snýr tað seg bara um at skapa løtuna – og at finna rætta staðið. 

Mat- og kaffistovur í høvuðsstaðnum

Mat- og kaffistovur kring landið

Tað finnast sjálvandi eisini nógvar mat- og kaffistovur uttan fyri høvuðsstaðin. Kannið líka, um tað er opið, áðrenn tit fara frá húsum, tí summi hava bert opið á sumri.